باهار                     

 
اسماعیل جمیلی                                       

بلبله وئردی خبر غنچه باهارین گلیشین

شخته نی قوودو صبا تندیری قیزدی گونشین

چیله دی گؤز یاشینی گولشنی گولدوردو بولود

اسن آغ یئل قروون قارلی قیشین چکدی دیشین

چیچگین آچدی اوزون قیلدی چراغان چمنی

دؤشه دی داغ دؤشونه اوستا دوغا اؤز ال ایشین

آغ گئین یاسمنی اؤپدو گلینلیکده بولاغ

نازیله وئردی صبا مژده فراقین بیتیشین

یام یاشیل اویلاغینا سوردو سورویله قوزونو

توتگین چالدی چوبان چکدی دابانین چپیشین

تئلینین تارلاسینی یئغدی بوروندو بولودا

اوندا کی گؤردو گونش آینا بولاغلاردا ائشین

سالدی گؤی قورشاغی قول بوینونا جیرانلی داغین

قوجاغین آچدی قایا ایلک اؤپوشون وئردی پئشین

منده بیر بولبول اولوب باغدا بوداغدا اوخورام

قارا گونلرده قارا قیش کیمی چکسه قمیشین

خوش او آنلار کی آچار آرزی باغیندا گولوموز

اوخونار قورتولوشون نغمه سی دینلر له له شین