Bu sher, urek dolusu sayqilarimla adinin tam tersine olan BACARIQLI ( NATEVAN ) bacima sunulur: 

(Natəvan), sənə bax nə deyim bacı

könül kərvanımdan alıbsan bacı

bu taydan o taya Bacı səsimə

deyirsən can qardaş, çəkirsən acı

şe`rini oxudum, hissinə qurban

ovladın sinəmdə uçan turacı

axıtdın ruhuma Bakı havasın

dərdimin səndəymiş demə əlacı

yaşlı gözlərinlə daşlı yollara

göz tikib baxırsan nədən qıyqacı

ağlama, gözünün yaşına qurban

hələlik olmuşuq Arzı möhtacı

yarandı bizlərə acı bir həsrət

Qəcərlər başına qoyanda tacı

doğuldu o gündən bu qara taale

əkildi Araza sərhəd ağacı

Gülüstan adlanan şah gülüstanı

bir gülün acıdır, bir gülün acı

çəkməyin yanımda birdə bu adı

Gülüstan olarmı Vətən haracı

Ay ellər dinləyin, çağırır bizi

bu tayın - o tayın yaşıl yamacı

Görüşün, mehriban Ana Vətənin

Sönməsin təndiri, sınmasın sacı